Irmáns

Amigos para xogos e segredos,

vidas onte unidas nas raíces,

rotas nun océano diverxente,

estelas das escumas sempre xuntas.

Homes arrincados da barreira

antes de saber o que eles son,

nados de cariños reprimidos

entre apertas dadas con pudor.

Persoas que se saben sentimentos,

nubes que comparten algodóns

irmáns levados lonxe das distancias,

tendendo sen pensar a eses lugares

sacados das postais do corazón,

unidos por lazos invisibles

gañados nese tempo xa gastado.

Amor para os irmáns aos que queremos.

Teño a fortuna de gardar estes endecasílabos no meu corazón, inéditos neste blogue.

Así que, hoxe, compre publicalos.

Paga a pena.

28.08.23