I
Regalía
Onte recibín, con ledicia, o Catálogo das Árbores Senlleiras de Galicia.
Cento setenta e seis árbores e cincuenta formacións arbóreas.
A miña benvida aos derradeiros que se incorporan:
176A: Loureiros dos poetas. Casa Rosalía (Padrón)
50F: Acerolos da Estación fitopatolóxica Areeiro (Pontevedra).
Lembrade.
Foi no 2007 cando todo comezou. Recoñecemento, protección e coidado dun valioso patrimonio botánico galego.
Daquela eran 106 árbores. 21 formacións.
II
Pranto
Máis, meus amigos, compre chorar polas que se foron... que son moitas.
A Xunta, xa vos contei, ten un xeito protocolario, frío e aséptico de contabilizar ás baixas.
Así, pescudando en todas as súas publicacións relativas ás Senlleiras, atopo a “descatalogación” de:
1.- 4A: Castiñeiro de Indias (Padrón)
2.- 8A: Araucaria excelsa da Casa de Tenreiro (Pontedeume)
3.- 17A: Pacana de Illinois do Pazo de Mariñán(Bergondo)
4.- 21A : Castiñeiro do Mola (A Mezquita)
5.- 24A : Castiñeiro da Regadiña (A Pobra de Trives)
6.- 31A: Camecíparis do castelo de Soutomaior(Soutomaior)
7.- 48A: Faia do Pazo de Castrelos (Vigo)
8.- 55A: Cocoteiro de Chile do Pazo de Meirás (Sada)
9.- 60A: Magnolia grandiflora do Pazo de Santa Cruz(Vedra)
10.- 70A: Piñeiro manso dos Candeiras(Ponteareas)
11.- 74A: Carballo albar de Quindous (Cervantes)
12.- 75A: Rebolo de Quindous (Cervantes):
13.- 77A: Carballo do Pazo de Villardefrancos (Carballo)
14.- 93A: Sobreira de Valboa ( A Estrada)
15.- 103A: Teixo da Casa de Tenreiro (Pontedeume)
16.- 109A: Araucaria excelsa do Pazo de Rubiáns (Vilagarcía)
17.- 122A: Nogueira de Licín (O Saviñao)
18.- 127A: Lamigueiro branco do Balneario (Cuntis)
19.- 139A: Rododendro de Serantellos (Cambados)
20 .- 147A: Olmo híbrido do Pazo de Lourizán (Pontevedra)
................
21.- 25F: Buxeda de san Lourenzo (Santiago)
22.- 31F: Tileiras de Oseira (Cea)
III
Futuro
A maior traxedia botánica do noso tempo é deixar morrer ás árbores centenarias.
Con todos os medios que hai, hoxe en día, paréceme inaudito- e deprimente- que -en dezaoito anos - se nos fose o dez por cento do Catálogo.
Ten que haber unha educación e conciencia botánica desde a infancia... que implique a todos.
As administracións son o espello da sociedade.
É por santa Mónica, 2025
“As árvores jovens desejam crescer rápido, e para elas nao é problema
algum fazer um estirao de meio metro por estaçao. No entanto, as maes
nao gostam muito da idea: cobren as mudas com suas copas imensas e,
ajudadas por outras adultas, formam un teto denso sobre a
floresta,deixando passar apenas 3% da luz do sol,que incidirá no solo ou
nas folhas das súas filhas”.
A vida secreta das árvores.Peter Wohlleben .Ed.Sextante.Brasil.2017
