luns, 31 de decembro de 2018

Nove senlleiras


Onte vin, novamente,  a media-metraxe  Corpos Arbóreos”, que Andrés Victorero creou no 2010.

Oito anos despois, a historia das nove senlleiras galegas segue chea de amor, emoción, reivindicación, beleza....
........................
O Castiñeiro de Pumbariños
O Carballo de Cartelos
A Sobreira de Balboa
O Carballo de Pelete
O Carballo de Santa Margarida
O Carballo de San Antón
O Avó de Chavín
O Ameneiro da Fervenza
O Castiñeiro de Baamonde
..................

A grande fascinación é esa : como o creador ten no seu maxín o que quere facer...e culmina!
E acada unha fermosa obra, recoñecida nos diferentes certames aos que concorreu.

Agora valoro a montaxe –áxil e profunda- ; a voz de Lino Braxe - cálida e acolledora -; a música- agradable e discreta- (Autumn prelude).
E,de fondo, ese inmenso amor botánico...



En Compostela.  No san Silvestre  2018

luns, 12 de marzo de 2018

Pena de Francia

Prezada curmá:

Non  podía deixar sen resposta esa ligazón de Clarín onde Celia Otero, -escritora-, conta as súas orixes galaicas... Vaia  relato!

A pouco que un –nado na Gallaecia- teña unha mínima curiosidade, chégalle á alma. Imaxínate a min, sempre alerta, inquedo, predisposto, rendido...

Desde que souben e coñecín as terras do  Deza, oín falar da "Pena de Francia". Unha romaría nos altos de Dozón (Concello límite con Lalín; igual que Ares e Mugardos: divisións administrativas e artificiais dunha bisbarra)

Procurando nas "redes"... vaia!, atopo a páxina duns colegas -camiñantes-. Emocionado, por esas conxuncións astrais que tanto me asombran... Vai ligazón:



Nese vídeo -ollando a ermida- coa  marabillosa "Caravansary" de fondo, resúmese –grandioso- o noso espírito galaico, celta..., e ten sentido o  relato, formidable, de Celia: "Shh, caladiños, que as silvas escoitan..."

Unha grande aperta cómplice, agardando a primavera, neste chuvioso marzo.